Jæja þá er föstudagur mættur á svæðið ..og landinn í hörkuskapi þó svo það sé hið versta ógeðisveður úti, eða réttara sagt þjóðar-veður íslendinga! Það er nú samt hægt að brosa í gegnum þessa rigningu og þetta rok, jú því það er föstudagur og helgin í startholunum :)
Þessi skemmtilega frétt birtist á helstu
fjölmiðlasíðum í morgun um að H&M væri loksins að opna, ásamt Urban Outfitters, McDolands og fl. bandarískum draumum sem við íslendingar bíðum óþreyjufullir eftir að fá á klakann. En það var ekki svo gott á þessum fallega föstudegi heldur voru þetta samnemendur mínir á 2.ári í LHÍ sem stóðu fyrir þessum skemmtilega gjörningi ;)
Eigið ykkur nú ljúffenga helgi kæru vinir og um að gera að hafa það últra kósý í þessu veðri, best að halda sig bara inni og baka köku og horfa á góða mynd :)
Margrét
Reyndar lifði hann ekki í hundrað ár en 100 ár eru í dag frá fæðingardegi hans. Eftir 5 vikna skólaverkefni sem snérist um hann, er hann nú orðinn mitt uppáhald! Hann er arkítekt en frægastur fyrir húsgögn sín. Hann er einn af þeim sem komu danskri hönnun á kortið og oft nefndur "faðir danskrar hönnunar" Hann var ótrúlega flinkur með liti, fann upp nýjar samsetningar á húsgögnum og var ótrúlega frumlegur. Hann var módernisti þar sem einfaldleiki og notagildi eru honum efst í huga. Meðal viðfangsefna sem hann fékkst við voru ferðaskrifstofur SAS (þegar þær voru uppá sitt besta og sem flestar) og hannaði og stjórnaði öllu innaní byggingu Sameinuþjóðanna í New York. Markmið hans var að hanna allt til heimilis, hann náði því markmiði þó ekki. Vörur hans fást í Epal. Ég ætla að leyfa verkunum hans bara að tala sínu máli þótt ég gæti eflaust verið hérna til morguns að segja ykkur hverskonar mikilmenni hann sé og áhrif hans á hönnun.
