Skór skór skór...

Það er smá stress í lífinu núna hjá mér þar sem ég flyt út eftir viku og stór áfangi er að klárast í vikunni...en það er bara gaman. Eitt af því (stressið) er að finna fullkomna vinnuskó. Eftirtaldin atriði eru bæði skilda og nauðsynleg;

• Þægilegir (verður að vera hægt að vinna í þeim í 12 tíma + og bjúgur verður að rúmast fyrir)
• Flatbotna, en samt með smá ogguponsu hækkun svo maður sé ekki að drepast í hnjánum
• Svartir
• Leður (eða pleður), slétt (ekki rúskin)
• Má ekki vera neitt auka drasl á, svo sem slaufa, glimmer eða mismunandi efni
• Og það erfiðasta, verða að vera til í st. 41-42.

Þetta er bara ekkert grín skal ég segja ykkur. Ég var búin að finna mér eina fullkomna á netheimum sem heita Rockport - faye ballet flat black. Þeir eru með adidas innleggi sem er algjör snilld. Rétt áður en ég ætlaði að staðfesta kaup rak ég augun í að með sendingarkostnaði til Svíþjóðar og sköttum og öllu voru þeir á sirka 30 þús. Ég hætti við.

 

Núna vandast valið. Ég flyt út á mánudegi og byrja að vinna á þriðjudegi þannig að það gefst enginn tími í að reyna að leita að þeim úti. Ég er búin að gera ansi góða leit á Íslandi og ég verð að sýna ykkur það næsta sem ég kemst niðurstöðunni en það eru Gabor skór sem fást í Steinari Waage. Drepi mig ekki allir heilagir, þeir eru svo hrillilega ljótir og kosta 20.000 kr. 

Ég er í klemmu. Ég veit ekki hvað ég á að gera?

Thelma - vandræðagemsi